ನಿರೀಕ್ಷೆ!

ಹನಿಗೆ ಮುಳುಗುತ

ಸುಳಿಸೆಳೆಗೆ ಸೆಣಸುತ

ಮಳೆಗೆ ಹೊರಟಿದೆ ಕಾಗದದ ದೋಣಿ

ಒಳಗೊಳಗೆ ಕನಸುಗಳ ಕವನ ಹೊತ್ತು!

ಏಳು

೧.ನಿನ್ನ ಕಣ್ಣ ಏಳು ಬಣ್ಣ

ಕನಸು ಬಲೆಗೆ ಬಿದ್ದೆ 

ಏಳು ತಳದ ಅಳಕೆಲ್ಲೋ

ಕಳೆದು ಹೋಯ್ತು ನಿದ್ದೆ! 

೨. ರೆಪ್ಪೆ ನೀನು ಬದಿದಲೆಲ್ಲಾ

ಏಳು ಅಲೆಯ ಹೊಡೆತ

ಸುಮ್ಮನೊಂದು ಹಾಸ ಹೊನಲು

ಏಳು ಸ್ವರದ ಮಿಳಿತ!

 

೩. ಏಳು ಕೋಟೆ ಮಿರಿ ಬಂತು 

ಎದೆಯ ಇಂಚರ 

ಕಳೆದು ಜೀವ ನಿನ್ನ ಸೆಳೆವ

ಹುಚ್ಚು ಕಾತರ 

೪. ಏಳು ಕದಲಿನಾಚೆಗೆಲ್ಲೋ 

ಸ್ವಪ್ನದ್ವೀಪ ಒಂದಿದೆ 

ಎದೆಯ ಬಡಿತ ಎರವಲಾಗಿ

ಏಳು ಜನುಮ ಕಾದಿದೆ

ಅಂತರಂಗ

 ಏಕಾಂತ ಹಪಹಪಿಸಿ

ನಿನ್ನ ಸನ್ನಿಧಿಯ ಬಯಸಿ

ಕಡಲಿನಲೆ ಸೆಳೆವಂತೆ ಸುಳಿಯುತಿಹುದು.

ಕಾಡುಮೇಡುಗಳಲ್ಲಿ

ಹಕ್ಕಿಗೂಡುಗಳಲ್ಲಿ ಹಸಿರಾಗಿ

ಹಾಡಾಗಿ ಹೊಮ್ಮುತಿಹುದು.

ರಮ್ಯದಿಂ ಗಮ್ಯಕ್ಕೆ

ತಂತಿಯಂ ಶೃತಿಗೊಳಿಸಿ

ಶೂನ್ಯ ತಾರಕದೀ ಬೆರಳು ಸವೆಯುತಿಹುದು.

ಎದೆಯೊಡಲ ಗರ್ಭದಲಿ

ಭ್ರೂಣದಾಕೃತಿಯಲ್ಲಿ

ನಿನ್ನ ಮುಡಿಗೆಂದೇ ಹೂವೊಂದು ಅರಳುತಿಹುದು.

೦5

ಆಗಸದಲ್ಲಿ ನಗುವ ತಾರೆಗೇನು ಗೊತ್ತು

ಕತ್ತಲ ಮೌನದಲ್ಲಿ ನುಂಗಿದ ನನ್ನದೇ ಕಣ್ಣೀರ ಮತ್ತು!