ಅಮ್ಮ ನಾನು
ಹಾರಬೇಕು
ಹಕ್ಕಿ ಹಾರಿದಂತೆ
ಕಾಮನ ಬಿಲ್ಲಲಿ
ಕೂರಬೇಕು
ಮರೆತು ಪಾಠದ ಚಿಂತೆ
ಮಗುವೇ ನೀನು
ಓದಬೇಕು
ಯಾರೂ ಓದದಂತೆ
ಕಾರು ಓಡಿಸಿ
ಮೆರೆಯಬೇಕು
ಭೂಮಿಗೆ ರಾಜನಂತೆ
ಭೂಮಿಗೆ ರಾಜನಾದರೆ ಸಾಕೇ
ಬಾನೂ ನನ್ನದಲ್ಲ
ಮಳೆಯ ತರುವ ಮೋಡಕೊಂದು
ಮನೆ ಕಟ್ಬೇಕಲ್ಲ
ತಲೆಹರಟೆ ನೀ
ಮಾಡಬೇಡ
ನಾ ಹೇಳಿದ್ದನ್ನ ಕೇಳು
ನೇರ ನಿಂತ್ಕೋ ಚಡ್ಡಿ ಹಾಕ್ಕೋ
ಟೈ ಕಟ್ತೀನಿ ತಾಳು
ಕುತ್ತಿಗೆ ಕಟ್ಟಿ
ಮೆತ್ತಗೆ ತಟ್ಟಿ
ಶಾಲೆಗೆ ಕಳಿಸಿದಳಮ್ಮ
ಪುಟ್ಟನ ಕನಸು
ಪೆಟ್ಟಿಗೆ ಸೇರಿತು
ಗುಮ್ಮನ ಕರೆದಳು ಅಮ್ಮ
1 ಕಾಮೆಂಟ್:
ಸರಳ, ಸುಂದರ ಶಿಶುಗೀತೆ. ಶಿಶುಗೀತೆ ಹೀಗಿರಬೇಕು.
ಕಾಮೆಂಟ್ ಪೋಸ್ಟ್ ಮಾಡಿ